Bos días!! No día de hoxe queremos ensinarvos unha nova incorporación á nosa aula: o buzón da nosa clase! Neste buzón os nenos e nenas podedes contarlle á profe todo aquelo que vos apeteza: preocupacións que teñades, problemas que puidese haber no recreo, como vos sentides...
En fin, esta é unha nova ferramenta de comunicación que nos vai axudar a que a vergoña non nos impida falar nin contar como estamos. É un buzón segredo, que soamente pode abrir a profe, polo que o resto dos nenos e nenas non saberán o que escribistes! Ademais, nin sequera é necesario que poñades o voso nome, podedes contar cousas sen dicir quen escribe. Agardo que vos guste e que o empreguedes moito, porque este buzón gardará moi ben os vosos segredos :) Saudiños amigos!
No hay comentarios:
Publicar un comentario